ആചാര വെടി
വയലിൻ കരക്കായുയരെയിരുന്നു,
ഒഴുകിയ കണ്ണീരെഴുതിയ സത്യം,
ഹൃദയ വിശുദ്ധിക്കവനൊരു ചെണ്ട്,
ജനമനമേറീ കവിയൊരു പാവം!.
സിനിമയിൽ സീരീയൽ കവിത പാറ്റാൻ,
പതിയെ അടുത്തേ! പുതിയൊരു കൂട്ടർ.
ധനമൊരുപാടായ് കുമിയുകയായീ,
അഹനില കേറീ കവിയുടെയുള്ളിൽ.
അമിതസുഖത്താൽ കവിത മരിച്ചു,
ജനമനസും മാധ്യമവുമിടഞ്ഞു,
ഹൃദയ ദു:ഖത്താൽ വരികളകന്നു,
പ്രണയിനിയാം ഭാര്യ വിട പറഞ്ഞു
പഴയ ധനാഢ്യത്തരമകലത്തിൽ,
അഹനില മാറാതവനൊരു രോഗി,
തെരുവിലലഞ്ഞോൻ മദിര തെരഞ്ഞു,
തൻ നില വെടിഞ്ഞൂ ഇവനൊരു ഭോഗി.
ഒടുവിലൊരുന്നാൾലഹരിതൻ മധ്യേ,
മനസു മടുപ്പാൽ ധമനി മുറിച്ചു,
മരണമൊരാഘോഷ വെടി “ഠെ“ മൂന്ന്,
അവസരമായീ ഒരു നിശതാരം.
================================================
വരിയുടെ വൃത്തം കുസുമവിചിത്ര.
ലക്ഷണം: നയനയ വന്നാൽ കുസുമവിചിത്രാ
(നഗണം,യഗണം,നഗണം, യഗണം എന്ന ജഗതി ഛന്ദസ്സാണ്)
================================================
66026
7 അഭിപ്രായ(ങ്ങള്):
എന്നാ എന്നെ അങ്ങു മരി!
2070അമിതസുഖത്താൽ കവിത മരിച്ചു,
ജനമനസും മാധ്യമവുമിടഞ്ഞു,
ഹൃദയ ദു:ഖത്താൽ വരികളകന്നു
വൃത്തത്തിലൊരു കവിത
വൃത്തത്തിലൊരു ആഖ്യാനം!
പഴയ ധനാഢ്യത്തരമകലത്തിൽ,അഹനില മാറാതവനൊരു രോഗി,തെരുവിലലഞ്ഞോൻ മദിര തെരഞ്ഞു,തൻ നില വെടിഞ്ഞൂ ഇവനൊരു ഭോഗി.
:)
വൃത്ത ലക്ഷണമൊത്തൊരു കവിത !
അതും ബൂലോഗത്തിൽ വളരെ വിരളമായുള്ള വൃത്തം കുസുമവിചിത്രയിൽ...
അഭിനന്ദനങ്ങൾ ഭായി.
ഒരു അഭിപ്രായം പോസ്റ്റ് ചെയ്യൂ