കോഴി

കോഴി എന്നതു തൂവലും ചിറകും  അങ്കവാലും, പപ്പും , പൂവും,പൂടയുമുള്ളൊരു  സുന്ദരൻ വീട്ടുപക്ഷിയായിരുന്നു.

പുലർച്ചെ കൂവിയുണർത്തിയിരുന്നൊരലാറ മണിയായിരുന്നു.

വിടനായ മനുജനെ പരിഹസിക്കാനൊരു പദമായിരുന്നു.
താൻ മുട്ടയിട്ടെന്നു മുട്ടപ്രേമികളെ മൊത്തം കൊക്കിക്കൊക്കിയറിയിക്കുമൊരു "സെൽഫി"യായിരുന്നു.
അടയിരിക്കൽ കലണ്ടറിലെ ഇവെൻറാക്കിയ, അതിനിടകിട്ടാഞ്ഞാൽ മടി പിടിച്ചു പടിപ്പുരയിൽ കുറുമ്പ് തൂറി  വെക്കുന്നൊരു പ്രതിഷേധക്കാരിയായിരുന്നു,
കാക്കയേയും, കീരിയേയും, പരുന്തിനേയും, അളിയൻമാരേയും വീട്ടിലേക്കാകർഷിച്ചിരുന്നൊരു വിഭവമായിരുന്നു.
താറാവിൻറെയും കാടയുടേയും കുഞ്ഞുങ്ങൾക്കൊരു ഇൻകുബേറ്റർ ഔദാര്യമായിരുന്നു.

എന്നാലിന്നോ?

( കിലോക്കു  160 രൂപാ നിരക്കിൽ എല്ലു നുറുക്കിയ ഇത്തിരിയിറച്ചി.)