സ്നേഹം ഒലക്കയാണ്.

ഈട്ടിയിലുരുട്ടി,
രണ്ടറ്റവും ചിറ്റിട്ട്....
ചിറ്റിനൊരു പൂളിട്ട്...
ഉഴിഞ്ഞെടുത്തരൊലക്ക....!
മിനുസത്തിൽ തഴുകിത്തലോടി...
മെലിഞ്ഞെണ്ണകറുപ്പിൽ വെട്ടിത്തിളങ്ങി,
പിടിയിലൊതുങ്ങിയുംവഴുതിയും
വിനീതമായി നാണിച്ചും,
താളത്തിൽ പണിയെടുക്കവേ
ഈണത്തിൽ കൂടെപ്പാടിയും.....!
തടസ്സങ്ങളെ തരിപൊടിയാക്കി...,
ശ്രംഗരിച്ചൊപ്പം  സീൽക്കാരം വിട്ടും
നീണ്ട നെടു നിശ്വാസമെടുത്തും,
അതിരുവിടുന്നോരെ പേടിപ്പിച്ചു നിർത്താൻ,
വേണ്ടാത്തപ്പോൾ  മൂലക്കു ചാരാൻ .......!
ഒരു  ഒലക്ക കൂടെ വേണമെപ്പോഴും.